Browse Carols: A B C D E F G H I J K L M N O P Q R S T U V W X Y Z # Mary Moder Come And Se Gaudeamª sunge we, I hoc sacro toe (?) Peur nobis natus en ex Maria virgine Mary moder come and se Thy sone is nayled on a tre Hande and fote he may not go His body is wrapped all in wo Upon a tre nayled he is To brynge vs all to heuen blyss For Adam that dyde ainysse For an aple that was so fre From his heed vnto his too His skynne is torne and flesshe also His body is bothe wanne and blo And nayled he is on a tre Thy louely sone that thou hast borne Is crowned with a crowne of thorne To saue mankynde that was but lorne And brynge man but to his liberte Whan Johan this tale began to tell Mary wolde no lenger dwell But went amonge the Jewes fell Where she myght her sone se My swete sone that arte me dere Why hangest thou on rode here Thy hede is wrythen all in a brere Louely sone what may this be. Moder to Johan I the betake Johan kepe this woman for my sake On rode I am emendes to make For synfull man as ye may se. This game of loue I must play For mannes soule it is no nay There is no man that goth by the way But on my body he may haue pyte This payne ye men haue me wrought For synfull soules I haue it bought Of all this smerte yet rewe I nought If man wolde be kynde to me. My blode coleth my fleshe doth fall I am athryst after drynke I call They gyue me eysyll menged with gall A wors drinke may there be none. Fader my soule to the I betake. My body dyeth for mannes sake To hell I must withouten make Mankynde for to make fre God that deyed for vs all Borne of a mayde in an oxe stall Graunt vs his realme celestyall Amen, amen, for charyte. Browse Carols: A B C D E F G H I J K L M N O P Q R S T U V W X Y Z #