Browse Carols: A B C D E F G H I J K L M N O P Q R S T U V W X Y Z # Off The 5 Joyes Of Owr Lady Off the 5 joys of owr lady. A, a, a, a, gaude celi domina. Mary, for the love of the, Glad and mery schal we be; Whe schal syng unto the, Tua quinque gaudia. The fyrst joy that came to the, Was whan the aungel greted the, And sayd. Mary, full of charyte, Ave, plena gracia. The secund joye that was ful good, Whan Goddes son tok flesch and blood; Withowt Sorow and changyng of mood Enixa es puerpera. The thyrd joy was ful of myght, Whan Goddes son on rood was pyght, Deed and buryed, and layd in syght, Surrexit die tercia. The fourth joy was on Holy Thursday, Whan God to heven tok hys way, God and man withowten nay, Ascendit supra sydera. The fyfth joy is for to come At the dredful day of dome, Whan he schal deme us al and some, Ad celi palacia. Mary to serve, God gyve us grace, And grete hyr with joys in every place, To cum afor hyr sones face In seculorum secula. Browse Carols: A B C D E F G H I J K L M N O P Q R S T U V W X Y Z #