Browse Carols: A B C D E F G H I J K L M N O P Q R S T U V W X Y Z # Whan The Aungell Aue Began Whan the aungell Aue began Flesshe and blode togyder ran Mary bare bothe god and man Through the vertue of benygnyte. So sayth the gospell of saynt Johan God and man is made bothe one In flesshe and breed, blode and bone One god in persones thre. And the prophete Jeremy Tolde in his prophecy That the sone of Mary For us sholde dye on tree. He hath Joye to you graunted And in erth peace hath plaunted Whan yborne was that faynted In the londe of Galilee Mary graunt vs the blysse Where thy sone dwellynge is And of that we haue done amysse Thou pray for vs for charyte. Browse Carols: A B C D E F G H I J K L M N O P Q R S T U V W X Y Z #